2023 جىلدىڭ ناۋرىز ايىنىڭ باسىندا بولعان بۇل وقيعا كوپ سۇراق تۋدىرىپ وتىر. سابەتقازى قاليەۆ ءتۇن ىشىندە باۋىرىنىڭ ۇيىنە بارماق بولادى. بىراق پودەزدەن شاتاسىپ، باسقا پودەزدگە كىرىپ كەتىپ، ء تورتىنشى قاباتقا كوتەرىلىپ، باۋىرىنىڭ ەسىگىن ىزدەي باستايدى. ءسويتىپ ەسىكتەردى قاققىلاي باستاعان. ال، باۋىرى كورشى پودەزدە تۇراتىن.
سول ساتتە كامەنسكايا ەسىمدى ايەل ەسىگىن اشىپ، ايعايلاپ، ۇرىسادى. ارتىنشا پوليتسيا شاقىرادى. بىراق ەڭ قىزىعى — بەينەباقىلاۋ جازباسىنا سۇيەنسەك، پوليتسيا شاقىرىلۋدان 11 مينۋت بۇرىن كەلىپ قويعان. ۆيدەودا قاليەۆ پودەزدەن 22:58 شىعىپ تۇر. پوليتسيا 22:59 كەلىپ تۇر. كامەنسكايا بولسا ساعات 23:10-دا پوليتسياعا حابارلاسقان، ال پوليتسيا 22:29-دا كەلىپ ۇلگەرگەن. بۇل قالاي مۇمكىن؟
سول ءتۇنى ءدال وسى ۇيدەن بوريس شەك ەسىمدى ازاماتتىڭ ءمايىتى تابىلىپ، ايىپ تاعىلادى.
مارقۇمنىڭ پاتەرىنە كىرگەن كۋاگەرلەر پاتەر ءىشى شاشىلىپ جاتقان، ەكى-ءۇش ادام توبەلەسكەن سياقتى دەيدى. مارقۇمنان اققان قان ەدەنگە قاتىپ قالعان. ياعني، ءمايىتتىڭ جاتقانىنا تاۋلىكتەن اسىپ كەتكەن بولۋى دا مۇمكىن. ستولدىڭ ۇستىندە ەكى ستاكان، دارەتحانادان سىرانىڭ بوتەلكەسى تابىلعان. بىراق، پوليتسيا ەشقانداي دا قاليەۆتىڭ ساۋساق ىزدەرىن تاپپاعان!
قاليەۆتىڭ ادۆوكاتى تولەگەن بايتەنوۆتىڭ ايتۋىنشا، "مارقۇم شەكتى ءدال سابەتقازى ولتىرگەن بولسا ەكسپەرتيزا بويىنشا ول ۇرىپ-سوعۋدان سول كۇنى تۇنگى 23:00-دە ەمەس، ەرتەڭىندە تاڭەرتەڭ 11-دە ءولۋ كەرەك بولاتىن" دەيدى.
ۇيگە كەلىپ كەتىپ جۇرگەن مارقۇمنىڭ وگەي نەمەرەسىنەن جاۋاپ الماعان! بۇل اسا ماڭىزدى ەدى. سەبەبى، وسى نەمەرەسى وسى پاتەردى ارتىنان ساتىپ جىبەرگەن!
سوت ۇستىندە سۋديا "قاليەۆتىڭ ءۇستى باسى تاپ-تازا عوي. ءتىپتى، تۋفليىندا دا قان جوق. قىلمىستى ول جاساۋى مۇمكىن ەمەس" دەپ ايتىپ تۇرىپ 17 جىلعا سوتتاپ جىبەردى!
بۇل جەردە كوپ نارسە كۇمان تۋدىرادى:
قىلمىس ورنىنان ساۋساق ىزدەرى تابىلماعان;
بەينەباقىلاۋ كامەرالارى كوپ بولعانىمەن، تەرگەۋشىلەر ولاردى قاراماعان;
ء ۇي ىشىندە باسقا ادامنىڭ قاتىسى بولۋى مۇمكىن دەگەن نۇسقالار ەسكەرىلمەگەن;
مارقۇمنىڭ نەمەرەسى سول ۇيگە ءجيى كەلىپ جۇرگەن، بىراق ول دا تەرگەلمەگەن.
بۇل ءىس اشىق ءارى ءادىل تەرگەلمەسە، كىناسىز ادام قۇربان بولىپ كەتۋى مۇمكىن.ء بىز ادىلدىك تالاپ ەتەمىز!
قىلمىستىڭ ناعىز كىنالىسى انىقتالسىن!
تەرگەۋ بارلىق دالەلدى، كۋالىكتى ەسكەرىپ جۇرگىزىلسىن!
بۇل تەك ءبىر ادامنىڭ تاعدىرى ەمەس — بۇل بۇكىل قوعامنىڭ ادىلەتكە سەنىمى تۋرالى.
