قىتاي 11 قازاندا شاندۋن پروۆينتسياسىنداعى حايان قالاسى ماڭىنداعى تەڭىز ايدىنىنان Gravity-1 زىمىران-تاسىعىشىن عارىشقا ۇشىردى. بۇل تۋرالى قىتايدىڭ تايۋان سپۋتنيك ۇشىرۋ ورتالىعى مالىمدەدى، دەپ حابارلايدى “ادىرنا”.
زىمىران بەيجىڭ ۋاقىتىمەن ساعات 10:20-دا ۇشىرىلىپ، بورتىنا ورناتىلعان ءۇش سپۋتنيك جوسپارلانعان وربيتالارعا ءساتتى شىعارىلدى.
ۇشىرىلعان اپپاراتتار قاتارىندا «تسزيلين-1 كۋانفۋ 02B07» سپۋتنيگى مەن ەكى تاجىريبەلىك سپۋتنيك بار.
مامانداردىڭ ايتۋىنشا، بۇل ۇشىرىلىم قىتايدىڭ تەڭىز ۇستىنەن جۇزەگە اسىرعان كەزەكتى تابىستى ميسسيالارىنىڭ ءبىرى.
ايتا كەتەيىك، Gravity-1 زىمىران-تاسىعىشىنىڭ العاشقى سىناقتىق ۇشىرىلىمى 2024 جىلدىڭ قاڭتار ايىندا وتكەن بولاتىن. سول جولى دا زىمىران عارىشقا بىرنەشە كوممەرتسيالىق سپۋتنيكتى جەتكىزگەن ەدى.
ۇقساس جاڭالىقتار
