پەتروپاۆلدا مونتاج جۇمىستارى كەزىندە كوتەرگىش پلاتفورمادان ەكى ادام قۇلاپ كەتتى. بۇل تۋرالى سولتۇستىك قازاقستان وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا”.
مالىمەت بويىنشا، وقيعا بۇگىن، 5 جەلتوقساندا بولعان.
جۇمىسشىلاردىڭ ءبىرى – 35 جاستاعى ەر ادام العان جاراقاتتارىنان وقيعا ورنىندا كوز جۇمدى. ال 1994 جىلى تۋعان ەكىنشى جۇمىسشى اۋرۋحاناعا جەتكىزىلدى.
"وسى دەرەك بويىنشا ەڭبەك قاۋىپسىزدىگى تالاپتارىنىڭ بۇزىلۋى بەلگىلەرىمەن سوتقا دەيىنگى تەرگەپ-تەكسەرۋ باستالدى. ءىستىڭ بارلىق ءمان-جايىن تولىق انىقتاۋ ماقساتىندا قاجەتتى تەرگەۋ ارەكەتتەرى جۇرگىزىلىپ جاتىر. تەكسەرۋ قورىتىندىسى بويىنشا تۇپكىلىكتى پروتسەسسۋالدىق شەشىم قابىلدانادى، - دەلىنگەن حابارلامادا.
ەكى جۇمىسشى ينتەرنەت تارتپاق بولعان ەكەن.
ۇقساس جاڭالىقتار
