قازاقستان سەيسمولوگتارى 6 جەلتوقسانعا قاراعان ءتۇنى جەر سىلكىنىسىن تىركەدى، دەپ حابارلايدى "ادىرنا" ۇلتتىق پورتالى.
بۇل تۋرالى قر توتەنشە جاعدايلار مينيسترلىگىنىڭ ءباسپاسوز قىزمەتى حابارلادى.
ۇلتتىق سەيسمولوگيالىق زەرتتەۋلەر جانە اقپارات عىلىمي ورتالىعىنىڭ مالىمەتىنشە، ءدۇمپۋ استانا ۋاقىتىمەن 02:04-تە بولعان. جەر سىلكىنىسىنىڭ ەپيتسەنترى الماتىدان وڭتۇستىك-باتىسقا قاراي 565 شاقىرىم جەردە، وزبەكستان اۋماعىندا ورنالاسقان.
تۇركىستان وبلىسى اۋماعىندا، شىمكەنت جانە تارازدا شامامەن 2 باللدىق تەربەلىس سەزىلگەن.
مينيسترلىكتىڭ حابارلاۋىنشا، قۇربان بولعاندار مەن قيراۋلار تۋرالى اقپارات تىركەلگەن جوق. ءتيىستى قىزمەتتەر جاعدايدى باقىلاۋدا ۇستاپ وتىر.
قۇتقارۋ قىزمەتى تۇرعىنداردى ۇرەيگە بوي الدىرماۋعا جانە رەسمي دەرەككوزدەردەن تاراتىلاتىن اقپاراتقا عانا سەنۋگە شاقىردى.
