فوتو: olympic.kz
تاەكۆوندودان (WT) 21 جاسقا دەيىنگى سپورتشىلار اراسىنداعى الەم چەمپيوناتى ءوز مارەسىنە جەتىپ، قازاقستان قۇراماسى جالپىكوماندالىق ەسەپتە الەمنىڭ ۇزدىك ۇشتىگى قاتارىنان كورىندى، دەپ حابارلايدى "ادىرنا".
نايروبيدە (كەنيا) وتكەن بايراقتى باسەكەدە ۇلتتىق كوماندا ەكى التىن جانە ءبىر قولا مەدال جەڭىپ الىپ، تۇركيا مەن يراننان كەيىنگى ءۇشىنشى ورىنعا تابان تىرەدى.
قازاقستان قورجىنىنا العاشقى التىن جۇلدەنىبەيبارىس قابلان سالدى. ول جاھاندىق دودادا قارسىلاستارىن سەنىمدى تۇردە ۇتىپ، الەم چەمپيونى اتاندى.
ودان كەيىن وتانداسىمىز، 87 كەلى سالماق دارەجەسىندە سىنعا تۇسكەن باتىرحان تولەۋعالي دا چەمپيوندىق اتاقتى جەڭىپ الدى. ونىڭ شەشۋشى جەكپە-جەكتە كورسەتكەن شەبەرلىگى قازاقستان قۇراماسىنىڭ ناتيجەسىن ەسەلەي ءتۇستى.
سونىمەن بىرگە تامەرلان تىلەۋلەس تاەكۆوندودان الەم چەمپيوناتىندا قولا مەدال يەلەنىپ، ەل نامىسىن ابىرويمەن قورعادى.
وسىلايشا، قازاقستان U-21 تاەكۆوندو قۇراماسى كەنياداعى ءدۇبىرلى دودادا جوعارى ناتيجەگە قول جەتكىزىپ، الەمدىك دەڭگەيدە ءوز مۇمكىندىگىن تاعى ءبىر مارتە دالەلدەدى.
