ء«بىلىم - ادام بالاسىنىڭ ورتاق قازىناسى»، - دەپ ءجۇسىپ بالاساعۇني ايتقانداي، قوستاناي قالاسىندا «كەلەشەك مەكتەپتەرى» جوباسى اياسىندا بوي كوتەرگەن №32 مەكتەپ ءبىلىم بەرۋ وشاعى عانا ەمەس، تىڭ سەرپىلىستىڭ باستاۋى بولدى.
كەلەشەك مەكتەبى – مۇعالىمنىڭ كاسىبي الەۋەتىن تولىق اشۋعا باعىتتالعان جاڭاشىل ءبىلىم كەڭىستىگى. بۇل ورتا پەداگوگكە عىلىمي-ادىستەمەلىك ىزدەنىس جۇرگىزۋگە، يننوۆاتسيالىق تەحنولوگيالاردى ەركىن قولدانۋعا، كاسىبي دامۋدىڭ ۇزدىكسىز ورتاسىندا وسۋگە مول مۇمكىندىك بەرەدى. Lesson Study, Action Research, PBL, CLIL, STEM سياقتى ادىستەردى تاجىريبەگە ەنگىزۋ ارقىلى مۇعالىم وقىتۋ ۇدەرىسىن تەرەڭ زەرتتەپ، ءتيىمدى شەشىمدەر قابىلدايدى.
وسىنداي وركەندەۋگە باعىتتالعان ءبىلىم ورتاسىندا قوستاناي قالاسى №32 مەكتەپتىڭ پەداگوگ-شەبەرى الاتاەۆا دينا داۆلەتوۆنا عىلىمي-ادىستەمەلىك ىزدەنىستىڭ جارقىن ۇلگىسىن كورسەتىپ كەلەدى. ول كونتراستيۆتى تالداۋ، ساباق زەرتتەۋ، وقۋلىق ساراپتاماسى مەن دياگنوستيكانى جۇيەلى قولدانا وتىرىپ، وقۋشىلاردىڭ زەرتتەۋشىلىك، تىلدىك جانە فۋنكتسيونالدىق ساۋاتتىلىق داعدىلارىن قالىپتاستىرادى. اۆتورلىق ساباقتار، «سەكرەتى تەكستا» ەلەكتيۆتى كۋرسى، زەرتتەۋشىلىك تاپسىرمالار مەن ءىس-ارەكەتتەگى زەرتتەۋ جۇمىستارى – ونىڭ كاسىبي جاڭاشىلدىعى مەن پەداگوگتىق شەبەرلىگىن ايقىندايدى.
«كەلەشەك مەكتەپتەرى – تەك ءبىلىم ورداسى ەمەس، ول ءار وقۋشى مەن مۇعالىمنىڭ شىعارماشىلىق الەۋەتىن ارتتىرىپ، جاڭا يدەيالاردى ىسكە اسىرۋعا مۇمكىندىك بەرەتىن ەرەكشە ورتا»، - دەيدى الاتاەۆا دينا داۆلەتوۆنا.
كەلەشەك مەكتەبىنىڭ كەڭ مۇمكىندىگى – مۇعالىمگە شىعارماشىلىق ەركىندىك بەرۋىندە جانە جەكە كاسىبي تراەكتوريانى قالىپتاستىرۋعا تولىق جاعداي جاساۋىمەن ەرەكشەلەنىپ وتىر.
مۇندا پەداگوگ اۆتورلىق باعدارلامالار ازىرلەپ، ءوز ماتەريالدارىن جاريالاپ، مەنتور نەمەسە زەرتتەۋشى رەتىندە دامۋىنا مۇمكىندىك الادى. زاماناۋي ينفراقۇرىلىم، تسيفرلىق رەسۋرستار جانە يننوۆاتسيانى قولدايتىن باسقارۋ جۇيەسى مۇعالىمنىڭ كاسىبيلىگىن جاڭا دەڭگەيگە كوتەرەدى.
سونىمەن قاتار ىنتىماقتاستىققا قۇرىلعان وقۋ ورتاسى، وقۋشىعا باعىتتالعان ءتاسىل، سترەسسسىز ءتارتىپ مودەلى جانە ينكليۋزيۆتى، كەدەرگىسىز ورتا - كەلەشەك مەكتەپتىڭ باستى ارتىقشىلىقتارى. مۇنداي قولداۋى مول، اشىق ءارى دامۋعا باعدارلانعان ورتا ءار پەداگوگتىڭ شابىتىن وياتىپ، شىعارماشىلىق سەرپىن بەرەدى.
مەملەكەت باسشىسىنىڭ باستاماسىمەن جۇزەگە اسىپ جاتقان «كەلەشەك مەكتەپتەرى» ءبىلىم الۋشىلارىنىڭ اتا انالارى دا ءبىلىم ورداسى جايلى ءوز پىكىرىمەن ءبولىستى: ء«بىزدىڭ بالالارىمىز مۇندا تەك ءبىلىم المايدى، ولاردىڭ ويلاۋ قابىلەتى دامىپ، شىعارماشىلىققا شابىت الادى. مۇعالىمدەردىڭ ىنتاسى مەن مەكتەپتىڭ قولداۋى بالالاردىڭ جەتىستىگىنە تىكەلەي اسەر ەتەدى».
ال اتا-انالار مەن قوعامدى تارتۋ ارقىلى جۇزەگە اساتىن بىرلەسكەن جوبالار - مەكتەپ مادەنيەتىن جاڭعىرتۋعا ىقپال ەتەرى ءسوزسىز.
قوستانايداعى «كەلەشەك مەكتەبى» – مۇعالىم ءۇشىن تەك جۇمىس ورنى ەمەس، كاسىبي ءوسۋدىڭ، عىلىمي ىزدەنىستىڭ جانە پەداگوگيكالىق جاڭاشىلدىقتىڭ ناعىز لابوراتورياسى. وسىنداي ورتادا ەڭبەكتەنىپ جۇرگەن دينا داۆلەتوۆنا سىندى شەبەر ۇستازداردىڭ تاجىريبەسى مەكتەپتىڭ ساپالى دامۋىنا عانا ەمەس، جاس ۇرپاقتىڭ بولاشاعىنا دا زور ۇلەس قوسۋدا. جاڭا تەحنولوگيالار مەن ادىستەردى ءتيىمدى قولدانا بىلەتىن بىلىكتى ۇستازدار مەن زاماناۋي تسيفرلىق قۇرالداردى ۇشتاستىرا الاتىن وقۋشىلاردىڭ ءبىلىم ساپاسى ارتا تۇسپەك.
