الماتى قالاسىندا توعىز ايدىڭ قورىتىندىسى بويىنشا ورتاشا ايلىق جالاقى 539 مىڭ تەڭگەنى قۇرادى. بۇل تۋرالى قالا اكىمى دارحان ساتىبالدى ورتالىق كوممۋنيكاتسيالار قىزمەتىندە وتكەن بريفينگتە مالىمدەدى، دەپ حابارلايدى «ادىرنا» ءتىلشىسى.
اكىمنىڭ ايتۋىنشا، قالانىڭ باستى باسىمدىعى — ۇزاق مەرزىمدى دامۋدىڭ نەگىزى سانالاتىن ەكونوميكانىڭ تۇراقتى ءوسىمى. ول بيىل الماتىدا ىسكەرلىك بەلسەندىلىك جوعارى دەڭگەيدە ساقتالىپ، ينۆەستيتسيالىق ءوسىم وڭ ديناميكا كورسەتكەنىن اتاپ ءوتتى.
سونىمەن قاتار قالا تۇرعىندارىنىڭ ءال-اۋقاتىن ارتتىرۋ ماسەلەسىنە ەرەكشە كوڭىل بولىنگەن.
«2025 جىلى الماتىدا 92 مىڭ جۇمىس ورنى قۇرىلدى، ونىڭ 87 پايىزى — تۇراقتى جۇمىس ورىندارى. توعىز ايدىڭ قورىتىندىسى بويىنشا قالاداعى ورتاشا ايلىق جالاقى 539 مىڭ تەڭگەنى قۇراپ، نومينالدى تۇردە 14,5 پايىزعا ءوستى جانە رەسپۋبليكالىق ورتاشا دەڭگەيدەن 29 پايىزعا جوعارى بولدى»، — دەدى دارحان ساتىبالدى.
