Almaty qalasynda toǧyz aidyŋ qorytyndysy boiynşa ortaşa ailyq jalaqy 539 myŋ teŋgenı qūrady. Būl turaly qala äkımı Darhan Satybaldy Ortalyq kommunikasiialar qyzmetınde ötken brifingte mälımdedı, dep habarlaidy «Adyrna» tılşısı.
Äkımnıŋ aituynşa, qalanyŋ basty basymdyǧy — ūzaq merzımdı damudyŋ negızı sanalatyn ekonomikanyŋ tūraqty ösımı. Ol biyl Almatyda ıskerlık belsendılık joǧary deŋgeide saqtalyp, investisiialyq ösım oŋ dinamika körsetkenın atap öttı.
Sonymen qatar qala tūrǧyndarynyŋ äl-auqatyn arttyru mäselesıne erekşe köŋıl bölıngen.
«2025 jyly Almatyda 92 myŋ jūmys orny qūryldy, onyŋ 87 paiyzy — tūraqty jūmys oryndary. Toǧyz aidyŋ qorytyndysy boiynşa qaladaǧy ortaşa ailyq jalaqy 539 myŋ teŋgenı qūrap, nominaldy türde 14,5 paiyzǧa östı jäne respublikalyq ortaşa deŋgeiden 29 paiyzǧa joǧary boldy», — dedı Darhan Satybaldy.
