Bügın Almatyda Prezidenttıŋ jalpyūlttyq «Taza Qazaqstan» bastamasy aiasynda qaldyqtardy jinau, sūryptau jäne keiın qaita öŋdeuge jıberuge baǧyttalǧan jastar ekologiialyq aksiiasy ötıp jatyr.
Plastik, qaǧaz, aliuminii jäne qaita öŋdeuge jaramdy basqa da materialdar sūryptalyp, ekınşı ret öŋdeuge jıberıledı. Osylaişa, aksiia kündelıktı qoqys jäşıgıne tastalatyn qaldyqtardyŋ edäuır bölıgın qaita paidalanuǧa bolatynyn ıs jüzınde körsetuge baǧyttalǧan.
Prezident Qasym-Jomart Toqaev «Taza Qazaqstan» jekelegen senbılıktermen ǧana şektelmei, azamattardyŋ kündelıktı mädenietınıŋ bır bölıgıne ainaluy tiıs ekenın bırneşe ret atap ötken. Bügınde «Taza Qazaqstan» tazalyqqa, tärtıpke, qorşaǧan ortaǧa ūqypty qarauǧa jäne är adamnyŋ jeke jauapkerşılıgıne negızdelgen jalpyūlttyq jasampazdyq ülgısı retınde qarastyrylady. 
Almatyda būl baǧyttaǧy jūmys jüielı türde jürgızılude. Qala äkımı Darhan Satybaldynyŋ tapsyrmasy boiynşa aumaqtardy sanitarlyq tazartumen qatar, tūrǧyndardyŋ ekologiialyq sauattylyǧyn arttyruǧa jäne tazalyq mädenietın qalyptastyruǧa erekşe köŋıl bölınude. Qala äkımı būǧan deiın ekologiialyq ıs-şaralar formaldy sipatta qalmai, qalalyq ortadaǧy naqty özgerısterge yqpal etuı tiıs ekenın atap ötken.
2026 jyldyŋ basynan berı «Taza Qazaqstan» aiasynda Almaty qalasy Jastar saiasaty basqarmasynyŋ qoldauymen 98-den astam ekologiialyq ıs-şara ötkızılıp, oǧan 18 myŋnan astam jas qatysty. Sonymen qatar 3,6 myŋnan astam jas almatylyq auqymdy qalalyq senbılıkterge atsalysty. Jüzege asyrylǧan jobalardyŋ qatarynda Plastic Hunt, Plastic-FREE Week, «Qaǧaz Boom», EcoQuest Almaty, Eco Vibe, «Özıŋnen basta» chellendjı, ekologiialyq reidter men aǧartuşylyq jobalar bar. 
«Bügınde jai ǧana “jinalyp, tazalap kettık” degen täsılden arylyp, jinalǧan qaldyqtardyŋ ärı qarai ne bolatynyn tüsınu maŋyzdy. Jastar bükıl üderıstı köruı kerek: qaldyqtardy jinau, dūrys sūryptau, qaita öŋdeuge tapsyru jäne sol arqyly poligondarǧa tüsetın qoqys kölemın azaitu. Däl osyndai täsıl ekologiialyq mädeniettı qalyptastyrady. Almaty äkımınıŋ tapsyrmasy boiynşa bız jastarǧa bır rettık aksiialarǧa qatysyp qana qoimai, ekologiialyq ädetterdı kündelıktı ömırıne engızuge mümkındık beretın jobalardy köbeituge tyrysamyz. «Taza Qazaqstannyŋ» negızgı mänınıŋ bırı de osynda — özgerıs ärqaisymyzdyŋ naqty äreketımızden bastalady», — dedı Medeu audany jastar komiuniti-ortalyǧynyŋ steikholderı Rustam Qairiev.
Bügınde Almatyda jastar qaitalama şikızat tapsyryp, ekologiialyq jobalarǧa qatysa alatyn üş Eko-Hab jūmys ısteidı. Ekologiialyq bastamalarǧa myŋnan astam volonter tartylǧan. Al «Eko-reindjerler» jobasy aiasynda 1,5 myŋnan astam jas ekologiialyq reidterge, aumaqtardy baqylauǧa, qaldyqtardy sūryptauǧa jäne aǧartuşylyq jūmystarǧa qatysyp jür. Qaldyqtardy bölek jinau jäne qaita öŋdeu «Jetısu-2» jastar komiuniti-ortalyǧynda aşylǧan jaŋa Eko-Hab jūmysynyŋ da negızgı baǧyttarynyŋ bırıne ainaldy.
Ūiymdastyruşylardyŋ aituynşa, bügıngı aksiia «Taza Qazaqstan» qaǧidattaryn kündelıktı ömırde jüzege asyrudyŋ taǧy bır naqty ülgısı bolmaq. Maqsat — qoqysty jai ǧana jinap qoiu emes, onyŋ kölemın azaityp, qaita öŋdeuge jaramdy materialdardy qaita ainalymǧa engızu.
