Almaty ıskerlık turizmnıŋ halyqaralyq naryǧyndaǧy ornyn nyǧaityp, ırı kongres, forum men konferensiia ötkızu mümkındıgın keŋeitıp keledı. 8-11 qaraşa aralyǧynda Panama-Sitide ötken Halyqaralyq kongrester men konvensiialar qauymdastyǧynyŋ (ICCA) 65-şı jyl saiynǧy kongresınde Almaty Tourism Bureau ökılderı megapolistıŋ turistık jäne ıskerlık infraqūrylymyn tanystyrdy. Būl turaly Almatynyŋ Turizm basqarmasynyŋ ökılderı aitty.
Biylǧy kongreske 80-nen astam elden 1 myŋnan astam maman jäne 100-den astam halyqaralyq qauymdastyqtyŋ ökılderı qatysty. Mūndai basqosular halyqaralyq ıs-şaralardy qai qalada ötkızu jönınde şeşım qabyldaityn ūiymdarmen tıkelei bailanys ornatuǧa mümkındık beredı.
Almaty Tourism Bureau mamandary Visit Almaty brendımen şeteldık serıktestermen kezdesıp, halyqaralyq konferensiialar men forumdardy Almatyda ötkızu mümkındıkterın tanystyruda. Äsırese, medisina, ǧylym, tehnologiia, biznes jäne innovasiia salalaryndaǧy ıs-şaralardy qalaǧa tartuǧa basymdyq berılgen.
2025 jyldyŋ qorytyndysy boiynşa Almaty ICCA älemdık reitingınde bırden 10 satyǧa joǧarylady. Qalada ötken halyqaralyq ıs-şaralardyŋ jalpy ekonomikalyq äserı şamamen 2,94 mln AQŞ dollary boldy. Är ıs-şara qala ekonomikasyna orta eseppen 327 myŋ dollar kırıs äkelgen. Al halyqaralyq qatysuşylardyŋ ärqaisysy orta eseppen 1 210 dollar jūmsaǧan.
2027 jyly halyqaralyq käsıbi qauymdastyqtarmen bailanysty nyǧaityp, Almatyda ötkızuge bolatyn ırı ıs-şaralardy anyqtau jäne olardy qalada ūiymdastyruǧa ötınım beru josparlanyp otyr.
Jaŋa ıskerlık ıs-şaralardy tartu şeteldık qonaqtar sanyn arttyryp, qonaq üiler men meiramhanalardyŋ qyzmetıne sūranysty köbeituge, sondai-aq qazaqstandyq jäne şeteldık mamandar arasyndaǧy käsıbi bailanysty keŋeituge jol aşady.
