كەشەدەن بەرى الەمدى جىلاتقان قۇلىنشاقتىڭ سۋرەتىن كورگەن سايىن جۇرەگىم شىم ەتە قالادى. بۇكىل الەۋمەتتىك جەلى 10 جاسار قوبيلدجوننىڭ قازاسىنا قابىرعاسى قايىسىپ كۇڭىرەنە جازۋدا. تاجىك بالاسى جان تاپسىرار الدىندا، “دادااا” دەپ ىشقىنا ايقايلاعان. بىرنەشە جىل بۇرىن قايتىس بولعان اكەسىن شاقىرعانى عوي.
اناسى وسىدان ءتورت جىل بۇرىن رەسەيگە ناپاقا تابامىن دەپ كەلگەن ەكەن. كۇيەۋى قايتىس بولعاننان سوڭ ەكى بالانى اسىرايمىن دەپ، ءدال ۇلىنىڭ مەكتەبىنە ەدەن جۋشى بولىپ جۇمىسقا كىرگەن.
بالاقايدى زۇلىمدىقپەن ولتىرگەن سول مەكتەپتە وقيتىن 9 سىنىپ وقۋشىسى تيموفەيدى قاماققا الدى. بۇل جاۋىز نەگىزى الدىن-الا وسى قاندى وقيعاعا دايىندالىپ جۇرگەن دەسەدى. ءوزىنىڭ ءار جازباسىندا ۇلتشىل ەكەنىن جانە وزگە ۇلتتى جەك كورەتىنىن اشىقتان-اشىق جازىپ وتىرعانىن سىنىپتاستارى دا ايتۋدا. سوندا دەيمىن دە پسيحولوگتار قايدا قاراعان؟ وعان دەم بەرىپ، قوستاپ وتىرعان قاتارلاستارىن دا جاۋاپكەرشىلىككە الۋ كەرەك دەپ جاتىر جەلىدەگىلەر. مەكتەپكە كىرىپ بارلىعىنان “ۇلتىڭ كىم؟” دەپ سۇراعان بەينەجازباسىنان-اق بايقالادى وزگە ۇلتتى جەك كورەتىنىن.
قوبيلدجوننىڭ ىزىنەن قۋىپ جەتىپ *لتىرگەنىن ءوزى ارنايىلاپ تۇسىرگەن. قايدان وشپەندىلىك بۇل 16 جاستاعى وقۋشىدا دەيسىڭ ىزالانىپ.
بۇگىن قۇلىنشاقتىڭ دەنەسىن جەر قوينىنا ءوز تۋعان جەرىنە تاپسىردى. رەسەيدەگى بۇكىل مۇسىلمان قاۋىم بالاقايدىڭ شىعىنىن موينىنا الىپ، تاجىكستانعا جەتكىزدى.
سىنىپتاستارىنىڭ ايتۋىنشا قوبيلدجون زامانداستارىن امان الىپ قالۋ ءۇشىن ادەيىلەپ سىرتقا قاراي قاشقان دەسەدى. پەرىشتەنىڭ جاتقان جەرى جايلى، توپىراعى تورقا بولسىن!
upd: وسى ءۇشىن عوي مەن ۇنەمى جازاتىنىم: «ۇلتقا بولىنبەيىك! ۇلتىمىزدى جاقسى كورەيىك، ال وزگە ۇلتتى قۇرمەتتەيىك» دەپ.
ەگەر دە ۇيدە اتا-انا وزگە ۇلتتىڭ ءناسىلىن، ءدىنىن قۇرمەتتەمەي جەك كورىپ كۇندە جامانداپ وتىرسا، بالا دا سونىڭ ايتقانىمەن بويىنا وشپەندىلىك جينايدى. سول ءۇشىن ۇيدە بالالارىڭىزعا وزگە ۇلتتى جامانداماڭىزدار! قايتا مەيىرىمدىلىككە باۋلىڭىزدار.
