23 جەلتوقساندا بەلگىلى قۇقىق قورعاۋشى جانە ازاماتتىق بەلسەندى رينات رافحات ومىردەن وزدى. قارالى حاباردى Facebook جەلىسىندە قۇرال سەيىتحانۇلى جەتكىزدى، دەپ حابارلايدى «ادىرنا» ءتىلشىسى.
«ول – ساياسي وپپوزيتسيالىق باعىتتا كۇرەسكەن ازامات، 2016 جىلعى اتىراۋ قالاسىنداعى بەس مىڭ ادام جينالعان ميتينگكە قاتىسقان جىگىت. كەيبىرەۋلەر سەكىلدى ميتينگكە شىقپاسا دا، وتىرىك وپپوزيتسيالىق پوستتار جازىپ، ماسقارا بولعان جوق. ريناتپەن بىرگە تالاي ميتينگلەردە، تالاي ۇزاق ساپارلاردا بولدىق. ەكەۋمىز عانا كەزدەسىپ، ساعاتتاپ وتىرىپ اڭگىمەلەسكەن كەزدەرىمىز بولدى. سوڭعى رەت ريناتتى ءۇش جىل بۇرىن ايگەرىم تىلەۋجان مەن قالاس نۇرپەيىسوۆتىڭ داۋلى سوتىندا كورىپ ەدىم. «ووو، قۇرەكە» دەپ جاقسى امانداسىپ ەدى.تۋىستارىنا كوڭىل ايتامىن. قازانىڭ ارتى قايىرلى بولسىن!»-دەپ جازدى ول.
ايتا كەتەيىك، رينات رافحات 8 جىل بويى اينا شورمانباەۆا باستاعان «حالىقارالىق قۇقىقتىق باستاما» ۇيىمىندا ىستەگەن. مارقۇم ادام قۇقىقتارى، ءادىل سوت پەن زاڭدىلىق ماسەلەلەرىن اشىق كوتەرگەن قوعامدىق بەلسەندى بولدى. ول قىتايدان كەلگەن، تۋىستارى كونتسلاگەرلەردە قالعان ازاماتتاردىڭ ماسەلەلەرىن كوتەرگەن. سونداي-اق دۋمان مۇحامەدكارىم مەن ايگەرىم تىلەۋجان ىستەرى بويىنشا وتكەن سوت وتىرىستارى، سونداي-اق قاڭتار وقيعالارىنا بايلانىستى پروتسەستەر تۋرالى اشىق جازعان. ءبىر جىل بۇرىن رينات رافحات بۇكىل قازاقستاندى ءدۇر سىلكىندىرگەن 16 جاستاعى شەرزات پولاتتىڭ ءىسىن دە تىكەلەي باقىلاپ، ماڭىزدى دەرەكتەردى نازاردان تىس قالدىرماۋعا تىرىسىپ، زاڭبۇزۋشىلىقتار جونىندە اقپارات جاريالاپ وتىرعان ەدى.
