23 jeltoqsanda belgılı qūqyq qorǧauşy jäne azamattyq belsendı Rinat Rafhat ömırden ozdy. Qaraly habardy Facebook jelısınde Qūral Seiıthanūly jetkızdı, dep habarlaidy «Adyrna» tılşısı.
«Ol – saiasi oppozisiialyq baǧytta küresken azamat, 2016 jylǧy Atyrau qalasyndaǧy bes myŋ adam jinalǧan mitingke qatysqan jıgıt. Keibıreuler sekıldı mitingke şyqpasa da, ötırık oppozisiialyq posttar jazyp, masqara bolǧan joq. Rinatpen bırge talai mitinglerde, talai ūzaq saparlarda boldyq. Ekeumız ǧana kezdesıp, saǧattap otyryp äŋgımelesken kezderımız boldy. Soŋǧy ret Rinatty üş jyl būryn Äigerım Tıleujan men Qalas Nūrpeiısovtıŋ dauly sotynda körıp edım. «Ooo, Qūreke» dep jaqsy amandasyp edı.Tuystaryna köŋıl aitamyn. Qazanyŋ arty qaiyrly bolsyn!»-dep jazdy ol.
Aita keteiık, Rinat Rafhat 8 jyl boiy Aina Şormanbaeva bastaǧan «Halyqaralyq qūqyqtyq bastama» ūiymynda ıstegen. Marqūm adam qūqyqtary, ädıl sot pen zaŋdylyq mäselelerın aşyq kötergen qoǧamdyq belsendı boldy. Ol Qytaidan kelgen, tuystary konslagerlerde qalǧan azamattardyŋ mäselelerın kötergen. Sondai-aq Duman Mūhamedkärım men Äigerım Tıleujan ısterı boiynşa ötken sot otyrystary, sondai-aq Qaŋtar oqiǧalaryna bailanysty prosester turaly aşyq jazǧan. Bır jyl būryn Rinat Rafhat bükıl Qazaqstandy dür sılkındırgen 16 jastaǧy Şerzat Polattyŋ ısın de tıkelei baqylap, maŋyzdy derekterdı nazardan tys qaldyrmauǧa tyrysyp, zaŋbūzuşylyqtar jönınde aqparat jariialap otyrǧan edı.
