ۇلىتاۋ مەن شەنسي. ينۆەستيتسيا جانە سەرىكتەستىك جاڭا دەڭگەيگە كوتەرىلەدى

ۇلىتاۋ وبلىسىنىڭ اكىمى داستان رىسپەكوۆ قىتاي حالىق رەسپۋبليكاسىنا جۇمىس ساپارى اياسىندا شەنسي پروۆينتسياسىنىڭ گۋبەرناتورى چجاو گانمەن رەسمي كەزدەسۋ وتكىزدى.
 
كەزدەسۋ بارىسىندا تاراپتار ەكى ءوڭىر اراسىنداعى ينۆەستيتسيالىق، ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى دامىتۋعا قاتىستى وزەكتى ماسەلەلەردى جان-جاقتى تالقىلادى. اسىرەسە، ءوزارا ءتيىمدى ارىپتەستىكتى جاڭا دەڭگەيگە كوتەرۋ، بىرلەسكەن جوبالاردى ىسكە اسىرۋ جانەىسكەرلىك بايلانىستاردى نىعايتۋ باعىتىنداعى باسىمدىقتارعا ەرەكشە ءمان بەرىلدى.
 
تاراپتار وڭىرارالىق ىقپالداستىقتى كەڭەيتۋگە جانە ۇزاق مەرزىمدى سەرىكتەستىكتى دامىتۋعا ءوزارا دايىن ەكەندەرىن ءبىلدىرىپ، ناقتى باستامالاردى جۇزەگە اسىرۋعا مۇددەلىلىك تانىتتى.
 
سونىمەن قاتار ساپار اياسىندا ۇلىتاۋ وبلىسىنىڭ اكىمى  شەنسي حالىقارالىق ساۋدا-ەكونوميكالىق توبىنا (Shaanxi International Economic and TradeGroup) بارىپ، ۇيىم باسشىلىعىمەن كەزدەستى. قازىرگى ۋاقىتتا پروۆينتسياداعى ءىرى مەملەكەتتىك كومپانيانىڭ ءبىرى. 80 تولىق ەنشىلەس جانە حولدينگتىك ۇيىمى بار، قىزمەتكەر سانى 2500-دەناسادى. كەزدەسۋ بارىسىندا ديرەكتورلار كەڭەسىنىڭ توراعاسى ۆان تيانسيۋنمەن ينۆەستيتسيالىق ىنتىماقتاستىقتى دامىتۋ، بىرلەسكەن جوبالاردى ىسكە اسىرۋ جانە ءوزارا ءتيىمدى ارىپتەستىكتى كەڭەيتۋ ماسەلەلەرى تالقىلاندى.
 
جۇمىس ساپارى بارىسىندا ءوڭىر باسشىسى سيان قالاسىنداعى بىرقاتار ستراتەگيالىق ماڭىزى بار نىسانداردى ارالادى. زاماناۋي ءوندىرىس پەن وزىق تەحنولوگيالاردىڭ دامۋ قارقىنىنا ەرەكشە نازار اۋدارىلدى. اتاپ ايتقاندا، الەمدىك دەڭگەيدەگى ەلەكتروموبيل، اككۋمۋلياتورلار جانە جاڭارتىلاتىن ەنەرگيا كوزدەرىن ءوندىرۋشى BYD كومپانياسىنىڭ قىزمەتىمەن تانىسىپ، وندىرىستىك الەۋەتى مەن يننوۆاتسيالىق شەشىمدەرى زەردەلەندى.
 
سونىمەن قاتار سيان قالاسىنداعى قۇرعاق پورتتىڭ (لوگيستيكالىق حابتىڭ) ينفراقۇرىلىمى جان-جاقتى قاراستىرىلدى. بۇل نىسان حالىقارالىق ساۋدا اينالىمىن ارتتىرۋدا جانە جۇك تاسىمالىن ءتيىمدى ۇيىمداستىرۋدا ماڭىزدى ءرول اتقاراتىنى اتاپ ءوتىلدى.
 
اتاپ ءوتۋ كەرەك، شەنسي پروۆينتسياسى ۇلىتاۋ وبلىسى سەكىلدى قىتاي مەملەكەتىنىڭ ورتالىعىندا ورنالاسقان ءارى لوگيستيكالىق حاب جۇمىسى جوعارى دەڭگەيدە دامىعان ايماق. كەزدەسۋ بارىسىندا وڭىرىمىزدە دە اتالعان باعىتتى دامىتۋ جۇمىستارى كەڭىنەن تالقىلاندى.