اق ءۇي باسشىسى دونالد ترامپ امەريكا حالقىنا تەلەۆيزيالىق ۇندەۋ جاساپ، ءبىر ايدان استام ۋاقىت بۇرىن باستالعان اقش پەن ءيزرايلدىڭ يرانعا قارسى سوعىسى قاشان اياقتالاتىنى تۋرالى ناقتى جاۋاپ بەرمەدى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
ترامپ تەك اسكەري ارەكەتتەردىڭ اياقتالۋعا جاقىن ەكەنىن تاعى دا قايتالاپ، تەگەرانعا «اسا كۇشتى سوققى» جاسالۋى مۇمكىن ەكەنىن ەسكەرتتى.
ونىڭ ايتۋىنشا، امەريكالىق اسكەري كۇشتەر يرانعا قارسى سوعىستا الدارىنا قويىلعان مىندەتتەردى ءىس جۇزىندە ورىنداپ قويعان جانە قاقتىعىس جاقىن ارادا اياقتالادى.
ء«بىز بۇل ءىستى اياقتاماقپىز جانە ول وتە تەز جۇزەگە اسپاق. ماقساتىمىزعا وتە جاقىنبىز»، — دەدى ترامپ.
سونداي-اق اقش پرەزيدەنتى امەريكا يراننىڭ اسكەري-تەڭىز جانە اسكەري-اۋە كۇشتەرىن جويىپ، بالليستيكالىق زىمىران باعدارلاماسى مەن يادرولىق قارۋىن تۇرالاتقانىن تاعى دا مالىمدەدى. ونىڭ سوزىنشە، سوققىلار الداعى ەكى-ءۇش اپتا بويى جالعاسادى.
ول بۇعان قوسا، ورمۋز بۇعازى اقش-قا ەمەس، باسقا ەلدەرگە قاجەت ەكەنىن تاعى دا اتاپ ءوتتى. تەگەران ءبىر ايدان بەرى ءىس جۇزىندە بۇعاتتاپ وتىرعان بۇل بۇعاز قاقتىعىس اياقتالعان سوڭ تابيعي تۇردە قايتا اشىلادى دەپ سەندىردى.
ترامپتىڭ ايتۋىنشا، الداعى ەكى-ءۇش اپتا ىشىندە اقش «اسا كۇشتى سوققى» جاساماق.
سوعىسقا بايلانىستى جانارماي باعاسىنىڭ ءوسۋىن ول «قىسقا مەرزىمدى قۇبىلىس» دەپ اتادى.
«كوپتەگەن امەريكالىق ەل ىشىندە بەنزين باعاسىنىڭ سوڭعى وسۋىنە الاڭداپ وتىر.
بۇل قىسقا مەرزىمدى ءوسىم يران رەجيمىنىڭ قاقتىعىسقا ەش قاتىسى جوق ەلدەردىڭ كوممەرتسيالىق مۇناي تانكەرلەرىنە جاساعان ەسسىز تەرروريستىك شابۋىلدارىنىڭ سالدارى بولدى»،-دەدى پرەزيدەنت.
