اتىراۋدا ەكى كولىك سوقتىعىسىپ، ءتورت ادام مەرتىكتى، دەپ حابارلايدى "ادىرنا" ءتىلشىسى.
جول اپاتىنان زارداپ شەككەن تاعى ءبىر جولاۋشى اۋرۋحاناعا جەتكىزىلدى.
اتىراۋ قالالىق پوليتسيا باسقارماسى جول اپاتىنىڭ 10 ناۋرىز كۇنى ساعات 01:40 شاماسىندا بولعانىن حابارلادى.
قازىر جول اپاتىنىڭ سەبەبىن انىقتالۋدا."اتىراۋ قالاسىنداعى جايىق وزەنىنىڭ قوس جاعالاۋىن جالعايتىن كوپىردىڭ ۇستىندە Lada Granta جانە Infinity اۆتوكولىكتەرى سوقتىعىستى. جول-كولىك وقيعاسىنىڭ سالدارىنان Lada Granta اۆتوكولىگىنىڭ رولىندە بولعان 1998 جىلعى جۇرگىزۋشى مەن 3 جولاۋشى وقيعا ورنىندا كوز جۇمدى. ءتۇرلى دەنە جاراقاتىن العان ءبىر جولاۋشى جەدەل جاردەم بريگاداسىنىڭ كولىگىمەن اتىراۋ وبلىستىق اۋرۋحاناسىنا جەتكىزىلدى", - دەپ حابارلادى قالالىق پوليتسيا باسقارماسىنان.
ۇقساس جاڭالىقتار
