ورىسشادان باس تارتۋ. قازاقستاندا ازەربايجان اسكەرى قازاقشا ءبىلىم الۋعا نيەت ءبىلدىردى

1323
Adyrna.kz Telegram
https://adyrna.kz/content/uploads/2024/03/whatsapp-image-2024-03-10-at-15.55.43-960x500.jpeg?token=34e4f15816a521c68c1b4764d9d4f3c9
قازاقستاندا وقىپ جاتقان ازەربايجان اسكەري قىزمەتكەرلەرى ورىس تىلىندە ءبىلىم الۋدان باس تارتتى، دەپ حابارلايدى "ادىرنا" ۇلتتىق پورتالى haqqin.az ينتەرنەت-باسىلىمىنا سىلتەمە جاساپ. بۇل تۋرالى قازاقستان رەسپۋبليكاسى ۇلتتىق قورعانىس ۋنيۆەرسيتەتىنىڭ باستىعى، گەنەرال-مايور اسقار مۇستابەكوۆ مالىمدەدى. ازەربايجان اسكەري قىزمەتكەرلەرى ۇقشۇ اياسىندا قازاق تىلىندە ءبىلىم الۋعا نيەت بىلدىرگەن. "ازەربايجاندا ولار ازەربايجان، تۇرىك نەمەسە اعىلشىن تىلدەرىندە وقيدى. وسىعان بايلانىستى ولار ءبىزدىڭ ۋنيۆەرسيتەتىمىزدە قازاق تىلىندە وقىتۋ كۋرستارىنان ءوتۋدى قالادى", - دەدى اسقار مۇستابەكوۆ. ونىڭ ايتۋىنشا، 1 قىركۇيەكتەن باستاپ ۋنيۆەرسيتەتتە قازاق ءتىلى كۋرستارى اشىلادى. "الدىمەن ولار قازاق ءتىلىن وقيدى. كۋرس 9 ايعا سوزىلادى", - دەدى ول. مۇستابەكوۆ سونداي-اق بۇل باعدارلامالار ۋنيۆەرسيتەتتەگى ورىس ءتىلى كۋرستارىنا ۇقساس تۇردە جاسالاتىنىن اتاپ ءوتتى. "قىتاي، فرانتسيا جانە ءۇندىستان وفيتسەرلەرى ۋنيۆەرسيتەتتە ورىس ءتىلىن مەڭگەرىپ، سودان كەيىن وقۋدان وتەدى", - دەدى ول. ايتا كەتەيىك، قازىرگى ۋاقىتتا قازاقستاننىڭ ۇلتتىق قورعانىس ۋنيۆەرسيتەتىندە ۇقشۇ ەلدەرىنەن كەلگەن اسكەري قىزمەتكەرلەر ءبىلىم الۋدا. وندا اسكەري پاندەر ورىس تىلىندە وقىتىلادى.
پىكىرلەر