يركۋت وبلىسىنداعى اسكەري اۋەايلاققا جاسالعان درون شابۋىلىنا قاتىستى كۇدىكتى ارتەم تيموفەەۆتى قازاقستان اۋماعىندا جاسىرىنىپ ءجۇرۋى مۇمكىن، دەپ حابارلايدى “ادىرنا” ۇلتتىق پورتالى اق جايىققا سىلتەپ.
رەسەي قازاقستاننان رەسمي تۇردە كومەك سۇراۋى مۇمكىن.
«بۇل — ارنايى قىزمەتتەردىڭ قۇزىرىنداعى ماسەلە. اتالعان قىلمىستى اشۋ ءۇشىن قاجەت شارالاردىڭ بارلىعى اتقارىلادى»، — دەدى پەسكوۆ جۋرناليستەرگە بەرگەن جاۋابىندا.
بۇعان دەيىن Telegram-ارنالاردا جاريالانعان مالىمەتتەرگە سايكەس، 1 ماۋسىم كۇنى «بەلايا» اسكەري اەرودرومىنا ۋكراينالىق ۇشقىشسىز اپپاراتتار شابۋىل جاساعان.
شابۋىل جاسالعان اۋماقتا ارتەم تيموفەەۆكە تيەسىلى بولۋى مۇمكىن جۇك كولىگى تابىلعانى حابارلاندى. وسىدان كەيىن وعان ىزدەۋ جاريالاندى.
تيموفەەۆتىڭ قازاقستان شەكاراسىنان ءوتىپ كەتكەنى تۋرالى دەرەكتەر تارالعان سوڭ، جەرگىلىكتى اكىمدىك ونىڭ فوتوسۋرەتى مەن دەرەكتەرى بار حابارلاندىرۋدى جاريالاعان. الايدا كەيىن ءوشىرىپ تاستاعان.
ەسكە سالايىق، 1 ماۋسىم كۇنى ۋكراينا قاۋىپسىزدىك قىزمەتى "ورمەك" («پاۋتينا») اتاۋىمەن رەسەيدىڭ اسكەري اۆياتسياسىنا قارسى كەڭ اۋقىمدى وپەراتسيا جۇرگىزگەنى تۋرالى ايتىلعان بولاتىن.
ۇقساس جاڭالىقتار
