بۇلاندى اۋدانىندا مەملەكەت باسشىسى قاسىم-جومارت توقاەۆتىڭ ەل ەكونوميكاسىن دامىتۋ، حالىقتىڭ تۇرمىس ساپاسىن ارتتىرۋ جونىندەگى تاپسىرمالارى جۇيەلى تۇردە ورىندالىپ كەلەدى. بۇل تۋرالى اۋدان اكىمى -تكەن جىلدىڭ الەۋمەتتىك-ەكونوميكالىق دامۋ قورىتىندىلارى جانە 2025 جىلعا ارنالعان جوسپارلار بويىنشا وتكىزىلگەن بريفينگتە مالىمدەدى، دەپ حابارلايدى وڭىرلىك كوممۋنيكاتسيالار قىزمەتىنەن.
اۋدان ەكونوميكاسىنىڭ تىرەگى – اگرارلىق سەكتور. اۋىل، ورمان جانە بالىق شارۋاشىلىعى ونىمدەرىنىڭ جالپى كولەمى 134,5 ملرد تەڭگەنى قۇرادى. ونىڭ ىشىندە وسىمدىك شارۋاشىلىعى سالاسى قارقىندى دامىپ، 43,8 ملرد تەڭگەنىڭ ءونىمى ءوندىرىلدى. ورتاشا ونىمدىلىك 21,4 تسەنتنەردى قۇراپ، ءداندى جانە بۇرشاقتى داقىلداردىڭ جالپى ءتۇسىمى 412,3 مىڭ تونناعا جەتتى.
«2024 جىلى اۋدان بيۋدجەتىنە 3 ملرد 103 ملن تەڭگە سالىق جانە مىندەتتى تولەمدەر ءتۇستى. بۇل جوسپاردان 117,8 پايىزعا ارتىق ورىندالدى. اۋدان بويىنشا ورتاشا جالاقى مولشەرى 326 201 تەڭگەگە جەتىپ، وتكەن جىلمەن سالىستىرعاندا 6 پايىزعا ءوستى»، – دەدى ارداق سمايىلوۆ.ال مال شارۋاشىلىعى سالاسىندا وندىرىلگەن ءونىم كولەمى 90,6 ملرد تەڭگەنى قۇراپ، وتكەن جىلمەن سالىستىرعاندا 11 پايىزعا تومەندەگەن. بۇل كورسەتكىشكە ماكينسك قۇس فابريكاسىنداعى ءوندىرىس كولەمىنىڭ ازايۋى اسەر ەتكەن.
«2024 جىلى ونەركاسىپ ءوندىرىسى 113,9 ملرد تەڭگەنى قۇراپ، يندەكس 106,4 پايىز بولدى. وڭدەۋ ونەركاسىبى باستى سالالاردىڭ ءبىرى رەتىندە 111 ملرد تەڭگەنىڭ ءونىمىن ءوندىردى. بۇل رەتتە، ماكينسك قۇس فابريكاسى 68,9 ملرد تەڭگەنىڭ ءونىمىن شىعارىپ، جەتەكشى كاسىپورىن رەتىندە تانىلدى. نەگىزگى كاپيتالعا سالىنعان ينۆەستيتسيالار كولەمى 18,6 ملرد تەڭگەگە جەتتى. ال بەلسەندى جۇمىس ىستەپ تۇرعان شاعىن جانە ورتا بيزنەس سۋبەكتىلەرى 1695 بىرلىكتى قۇراپ، 2 پايىزعا ءوستى»، – دەپ تولىقتىردى سپيكەر.اۋدان بويىنشا قۇرىلىس-مونتاج جۇمىستارىنىڭ كولەمى 9,5 ملرد تەڭگەگە جەتىپ، 2023 جىلمەن سالىستىرعاندا 44 پايىزعا ارتتى. ۆوزنەسەنكا جانە نيكولسكوە اۋىلدارىندا 200 ورىندىق مادەنيەت ۇيلەرى مەن ۆوزنەسەنكا اۋىلىندا جاڭا كوپىر سالىندى. بۇعان قوسا، «قازاقستان حالقىنا» قورى ارقىلى 114 ءۇيدىڭ قۇرىلىسى باستالىپ، 13,2 مىڭ شارشى مەتر تۇرعىن ءۇي پايدالانۋعا بەرىلدى. ماكينسك قالاسىندا 76,7 شاقىرىمدىق سۋ جۇيەلەرى ارقىلى اۋىز سۋمەن قامتىلۋ دەڭگەيى 93,9 پايىزدى قۇرادى. 2024 جىلى قالادا 45 شاقىرىم سۋ قۇبىرىن قايتا جاڭارتۋ جۇمىستارى جۇرگىزىلىپ، جالپى جوبا 2025 جىلدىڭ جەلتوقسانىندا اياقتالادى. سونىمەن قاتار، بىرنەشە اۋىلدا سۋ جۇيەلەرى تارتىلىپ، ىشكى جەلىلەر جاڭارتىلۋدا. اۋدان اكىمى ارداق سمايىلوۆتىڭ ايتۋىنشا جىلۋمەن قامتاماسىز ەتۋ باعىتىندا قۋاتى 35 گكال/ساع ەكى ءمودۋلدى قازاندىق جۇمىس ىستەيدى. 2024-2025 جىلعى جىلىتۋ ماۋسىمىندا تۋىنداعان تەحنيكالىق اقاۋلاردى جويۋ ءۇشىن قاجەتتى جابدىقتار ساتىپ الىنىپ، ورناتۋ جۇمىستارى ءجۇرىپ جاتىر. 2024 جىلى وبلىستىق بيۋدجەت ەسەبىنەن 621,1 ملن تەڭگەگە ءۇش ءبىلىم بەرۋ نىسانى جوندەلسە، بيىل ەكى مەكتەپكە 981,9 ملن تەڭگە ءبولىندى. سونىمەن قاتار، نوۆوبراتسك، التىندى جانە پارتيزانكا اۋىلدارىندا جاڭا فەلدشەرلىك-امبۋلاتوريالىق پۋنكتتەر سالىندى. سۋ تاسقىنىنان زارداپ شەككەن 72 ءۇي يەسىنە جالپى سوماسى 23,8 ملن تەڭگە كولەمىندە ءبىر رەتتىك الەۋمەتتىك كومەك كورسەتىلدى. بۇعان قوسا، زارداپ شەككەن وتباسىلارعا قۇرىلىس ماتەريالدارى تاراتىلدى.
«بۇلاندى اۋدانى بولاشاعى زور، جاقسى وندىرىستىك الەۋەتى مەن ەڭبەك رەسۋرستارى بار اۋدان رەتىندە العا قويىلعان ماقساتتار مەن مىندەتتەرگە قول جەتكىزەتىنىنە سەنىمدىمىن»، – دەپ تۇيىندەدى اۋدان اكىمى.
