ەرەيمەنتاۋ اۋدانىندا اۋقىمدى ينۆەستيتسيالىق جوبا – «BIG FARM» جشس-ءنىڭ مال شارۋاشىلىعى كەشەنىنىڭ قۇرىلىسى قولعا الىنۋدا. جالپى كولەمى 32 مىڭ گەكتاردان استام اۋماقتى قامتيتىن بۇل اگروونەركاسىپتىك جوبا ءسۇت-تاۋار فەرماسىن، بورداقىلاۋ الاڭىن، ەت جانە ءسۇت وڭدەۋ زاۋىتىن، سونداي-اق زاماناۋي سۋارۋ جۇيەسىن ىسكە قوسۋدى كوزدەيدى.
اقمولا وبلىسى اكىمدىگىنىڭ مالىمەتىنشە، ءبىرىنشى كەزەڭدە 2 000 باس ءىرى قارا مالعا ارنالعان ءسۇت-تاۋار فەرماسى سالىنىپ، كەيىننەن ونىڭ قۋاتتىلىعى 5 000 باسقا دەيىن ۇلعايتىلماق. بۇعان قوسا، 10 000 باسقا ارنالعان بورداقىلاۋ كەشەنى مەن اۋىل شارۋاشىلىعى ونىمدەرىن وڭدەيتىن تسەحتار ىسكە قوسىلادى. جوبا اياسىندا 250 تۇراقتى جۇمىس ورنى اشىلادى دەپ جوسپارلانۋدا.
جوبانى شەتەلدىك ينۆەستورلار قولداپ وتىر. وڭىرگە شەتەلدىك سەرىكتەستەر دەلەگاتسياسىنىڭ ساپارى اياسىندا ىنتىماقتاستىق تۋرالى مەموراندۋمعا قول قويىلدى. قۇجات اۋىل شارۋاشىلىعىن دامىتۋعا، زاماناۋي تەحنولوگيالاردى ەنگىزۋگە جانە ءوڭىردىڭ ەكسپورتتىق الەۋەتىن ارتتىرۋعا باعىتتالعان ينۆەستيتسيالىق جوبانى بىرلەسىپ ىسكە اسىرۋدى كوزدەيدى.
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز