وزبەكستان بوكس فەدەراتسياسى Eindhoven Box Cup تۋرنيرىندەگى قازاقستاندىق ابىلايحان ءجۇسىپوۆ پەن وزبەكستاندىق اسادحودجا مۋيدينحودجاەۆ اراسىنداعى فينالدىق جەكپە-جەك ناتيجەسىنە قاتىستى پىكىر ءبىلدىردى، دەپ حابارلايدى «ادىرنا» ءتىلشىسى.
«70 كەلى سالماق دارەجەسىندەگى اسادحودجا مۋيدينحودجاەۆ پەن قازاقستاندىق ابىلايحان ءجۇسىپوۆ اراسىنداعى فينالدىق جەكپە-جەك ءبىرىنشى راۋندتان كەيىن قازاقستاندىق بوكسشى جاراقات العاندىقتان جالعاسپادى. تەڭ دەڭگەيدە وتكەن ءبىرىنشى راۋندتان كەيىن تۇسىنىكسىز تورەشىلىك شەشىمدەردىڭ سالدارىنان جەكپە-جەك توقتاتىلدى. ناتيجەسىندە 2:3 ەسەبىمەن ابىلايحان ءجۇسىپوۆتىڭ جەڭىسى تىركەلىپ، جەڭىس قازاقستان بوكسشىسىنا بەرىلدى»،—دەلىنگەن حابارلامادا.
ايتا كەتەيىك، تورەشىلەر شەشىمى بويىنشا جەڭىس ابىلايحان جۇسىپوۆكە بەرىلىپ، ول تۋرنير چەمپيونى اتانعان ەدى.
