«قايرات» فۋتزال كلۋبىنىڭ باس باپكەرى قىزمەتىنەن كەتتى

796
Adyrna.kz Telegram
https://adyrna.kz/content/uploads/2025/06/4a78dce1-e373-4125-b2ec-ffa15d127b41-960x500.jpeg?token=6e4147c7d2bdb27f99768a8176bda3fd

الماتىلىق «قايرات» فۋتزال كلۋبىنىڭ باس باپكەرى مارلون ۆەلاسكو قىزمەتىنەن كەتتى. بۇل تۋرپلى ول رەسمي تۇردە مالىمدەدى، دەپ حابارلايدى “ادىرنا”. 

Meta-ratings.kz سپورت پورتالىنىڭ مالىمەتىنشە، يسپانيالىق جاتتىقتىرۋشىمەن ەڭبەك شارتى اياقتالىپ، تاراپتار كەلىسىمشارتتى ۇزارتپاۋ تۋرالى شەشىم قابىلداعان. 

ۆەلاسكو 2023 جىلدىڭ تامىز ايىنان باستاپ «قايرات» كلۋبىنىڭ تىزگىنىن ۇستادى. وسى ۋاقىت ارالىعىندا ول كلۋبپەن بىرگە كوپتەگەن ايتۋلى جەتىستىككە قول جەتكىزدى. اتاپ ايتقاندا، ونىڭ جەتەكشىلىگىمەن الماتىلىق كوماندا ەكى

رەت قازاقستان سۋپەركۋبوگىن جەڭىپ الدى. ەل كۋبوگى مەن پورتۋگاليادا وتكەن حالىقارالىق Masters Cup ءتۋرنيرىنىڭ جەڭىمپازى بولدى. 2025 جىلى فۋتزالدان UEFA چەمپيوندار ليگاسىنىڭ كۇمىس جۇلدەسىن ەنشىلەدى. 

«قايرات» فۋتزال كلۋبى ۇجىمى مارلون ۆەلاسكوعا اتقارعان جۇمىسى ءۇشىن العىس ايتىپ، الداعى باپكەرلىك مانسابىنا ساتتىلىك تىلەدى. 

بەيرەسمي اقپارات بويىنشا، پلەي-وفف كەزەڭى اياقتالعانشا كوماندانى كلۋبتىڭ سپورت ديرەكتورى گۋستاۆو پارادەدا جاتتىقتىرۋى مۇمكىن. 

پىكىرلەر