Маңғыстау облысында белгісіз біреу үйге кіріп, баланы пышақпен қорқытып, ірі көлемдегі сейфті ұрлап кеткен, - деп хабарлайды "Адырна" ұлттық порталы .
Атырау облысы ІІД баспасөз қызметінің мәліметінше, 2022 жылғы 23 ақпанда сағат 10.00 шамасында Бейнеу ауданы, Боранкөл ауылындағы үйге қара бетперде киген белгісіз біреу заңсыз кіріп кеткен.
Бетін тұмшалаған адам баланы пышақпен қорқытып, 24 065 000 теңге көлеміндегі қолма-қол ақша салынған металл сейфті, ұялы телефон мен алтын бұйымдарды ұрлап, кейін қылмыс орнынан бой тасалаған.
«Жедел-іздестіру іс-шаралары барысында үш күдікті анықталып, ұсталып, кейін уақытша ұстау изоляторына қамалды. Аталған факті бойынша ҚР ҚК 192-бабы 4-бөлігінің 2-тармағы бойынша сотқа дейінгі тергеу басталды. Тергеу мүддесіне қатысты басқа мәліметтер жарияланбайды», - деді олар.
