Екібастұзда кәсіпорындардың бірінде жұмысшы дәнекерлеу жұмыстары кезінде 20 метрден көп биіктіктен құлап, мерт болды. Қазір оның өлімінің мән-жайы анықталуда, - деп хабарлайды "Адырна" сайты.
Павлодар облысының полиция департаменті баспасөз қызметінің хабарлауынша, қайғылы оқиға 25 наурыз күні сағат 23.00-де Екібастұз кәсіпорнының өндірістік цехында болған.
"Блоктардың бірінің сору қазандығының құбырына жөндеу жұмыстарын жүргізу кезінде 36 жастағы газ-электр дәнекерлеушісі 74 метрден 51 метрге құлап кеткен. Ер адам алған жарақаттарынан оқиға орнында көз жұмды. Сот-медициналық сараптамасына тапсырыс берілді», - деді министрліктің баспасөз қызметі.
Өндірістегі адам өліміне әкеп соқтырған жазатайым оқиғаны облыстық еңбек басқармасы да тексеруге кірісті. Мұнда олар істің мән-жайын анықтап, болған оқиғаның себептерін анықтайтын арнайы комиссия құруға дайындалып жатыр.
Сонымен қатар, дәл осы күні Павлодарда сағат 01.00-де акционерлік қоғамдардың бірінің өндірістік цехында 45 жастағы дәнекерлеуші зардап шекті. Дәнекерлеу жұмыстарын орындап жатқан кезде ер адамның үстіне бетон тақтайшаның металл көзі түсіп кеткен. Жәбірленуші бас жарақатымен ауруханаға жеткізілді.
Павлодардағы сауда үйлерінің бірінде тағы бір жұмысшы зардап шекті. 28 жастағы шебер жұмысты аяқтап жатқан кезде баспалдақтан құлап кеткен. Ер адам ауруханаға жатқызылды.
"Адырна" ұлттық порталы
