رەسەي پرەزيدەنتى ۆلاديمير پۋتين ۋكراينا پرەزيدەنتى ۆلاديمير زەلەنسكيمەن كەزدەسۋدەن ەشقاشان باس تارتقان ەمەس، بىراق ناقتى جازباشا قۇجات دايىندالعان كەزدە ونىڭ كەزەگى كەلەدى، دەدى جەكسەنبىدە ەل باسشىسىنىڭ ءباسپاسوز حاتشىسى دميتري پەسكوۆ. بۇل تۋرالى "ادىرنا" ۇلتتىق پورتالى جازادى.
"پۋتين مۇنداي كەزدەسۋدەن ەشقاشان باس تارتقان ەمەس. بىراق ونىڭ ءوتۋى ءۇشىن ەكى دەلەگاتسيانىڭ جۇمىسىنىڭ تەرەڭدىگىندە ءپىسىپ-جەتىلگەن ناقتى قۇجات قاجەت. جوق، يدەيالار جيىنتىعى ەمەس، ناقتى جازباشا قۇجات قاجەت. مىنە ، سودان كەيىن وسىنداي كەزدەسۋدىڭ كەزەگى كەلەدى", - دەدى ول "روسسيا 1" ارناسىنداعى "ماسكەۋ. كرەمل. پۋتين" باعدارلاماسىنا بەرگەن سۇحباتىندا .
جۋرناليست پاۆەل ءزارۋبيننىڭ مينسك كەلىسىمدەرىندە 7 جىلدىق تاجىريبەسى بار ەكەنىن ەسكەرە وتىرىپ، بۇل قۇجاتتىڭ ورىندالاتىنىنا سەنىم بار ما دەگەن سۇراققا پەسكوۆ: "بىزدە مۇنداي تاجىريبە بار، ول ءبىزدىڭ ەسىمىزدە، ەسىمىزدە وتە جاقسى ساقتالعان جانە سوعان سايكەس ارەكەت ەتەمىز",-دەدى.
«ءبىزدىڭ اسكەري وپەراتسيامىزدىڭ ماقساتتارى تولىعىمەن ورىندالاتىنىنا سەنىمدىمىن. رەسەي - ۋكراينا كەلىسسوزدەرىنە قاتىستى قارقىندى كۇش-جىگەردىڭ ناتيجەسىندە ءبىز دە بەلگىلى ءبىر قۇجاتقا قول قويامىز دەپ ۇمىتتەنەمىن جانە بۇل جاعدايدى قالىپقا كەلتىرۋدەگى ماڭىزدى قادام بولادى", - دەدى پەسكوۆ.
"ادىرنا" ۇلتتىق پورتالى
