بارلىق مەكتەپ اتا-انالار جينالىسىن وتكىزۋدىڭ جاڭا فورماتىنا كوشۋ كەرەك. بۇل تۋرالى اسحات ايماعامبەتوۆ مينيسترلىكتىڭ جەدەل وتىرىسىندا مەكتەپتەردەگى تاربيە جۇمىسى ماسەلەسىن قاراۋ بارىسىندا ايتتى.
«اتا-انالاردى جيناپ الىپ، باسقا ادامداردىڭ كوزىنشە بالانىڭ ۇلگەرىمى مەن ءتارتىبىن تالقىلاۋدان ارىلعان ءجون. ونىڭ ورنىنا جەكە، توپتىق نەمەسە ۇجىمدىق فورماتتا ۇيىمداستىرعان ءتيىمدى. ءاربىر اتا-انا پەداگوگتەن ءوز بالاسىنىڭ جەتىستىكتەرى مەن ءالسىز تۇستارى تۋرالى تولىق اقپاراتتى الا الاتىنداي جاعداي جاساۋىمىز كەرەك»،– دەدى مينيستر.
