ۋكراينا قازىر قازاقستاننىڭ تاۋەلسىزدىگى ءۇشىن كۇرەسۋدە، دەدى ەكس-پرەمەر اكەجان قاجىگەلدين ءوزىنىڭ Deutsche Welle ارناسىنا بەرگەن سۇحباتىندا.
ساياساتكەر مۇنداي ستسەناريدى جوققا شىعارماسا دا، سولتۇستىك قازاقستاننىڭ تۇراقسىزدانۋ قاۋپى ەكىتالاي دەپ سانايدى.
«رەسەي، ەگەر رەسمي تۇردە وعان جول بەرسە، كوپتەگەن حالىقارالىق شارتتاردى بۇزۋعا ءماجبۇر بولادى. قازىر ول سول سەبەپتى ەشتەڭە ىستەپ جاتقان جوق. قازىر ۋكراينا ءبىزدىڭ دە تاۋەلسىزدىگىمىز ءۇشىن كۇرەسىپ جاتىر دەپ ايتا الامىز. ۇلكەن ەلدىڭ تاۋەلسىزدىكتىڭ 30 جىلدىعىنىڭ قورىتىندىسىن قايتا قاراۋعا بەل بۋعان جاعداي. ءار ايماقتا ءارتۇرلى. ەشكىم ءوز ەگەمەندىگىنەن باس تارتقىسى كەلمەيدى، قازاقستان رەسپۋبليكاسى دا سونىڭ قاتارىندا» دەدى اكەجان قاجەگەلدين.
”ادىرنا” ۇلتتىق پورتالى
