Үкімет "Зерде" холдингін жабу жөнінде қаулы қабылдады, деп жазады "Адырна" ұлттық порталы.
"ҚР Үкіметі 2022 жылдың 5 тамызында "Зерде" ұлттық ақпараттық-коммуникациялық холдингі" акционерлік қоғамын жабуды көздейтін қаулыны қабылдады. Аталған құжат Қазақстан Республикасының нормативтік-құқықтық актілер эталондық бақылау банкінде жарияланады", - делінген Үкімет таратқан хабарламада.
Естеріңізге сала кетейік, бұған дейін "Зерде" холдингін жабу жылына шамамен 3 млрд теңгені үнемдеуге мүмкіндік беретіндігі хабарланған болатын. 2016-2021 жылдарының ішінде холдингтің жинақталып қалған шығыны 7 млрд теңгеге жетіп отыр.
"Адырна" ұлттық порталы
