Шымкентте футбол жанкүйерлері жанжалдасып қалды. Бұл туралы желіде видео тарады, деп хабарлайды “Адырна” ұлттық порталы.
Жанжал «Ақтөбе» мен «Ордабасы» футбол командаларының жанкүйерлері арасында туындаған. Оларды полиция қызметкерлері тоқтатты.
Жауап алу барысында азаматтар төбелес жайтын жоққа шығарып, бір-біріне қатысты шағымы жоқ екенін айтқан. Барлығымен профилактикалық әңгіме жүргізілді.
