Бұрынғы Экология, геология және табиғи ресурстар министр Серікқали Брекешев «ҚазМұнайГаз» ұлттық компаниясы» АҚ басқарма төрағасының орынбасары қызметіне тағайындалды. Бұл туралы «Самұрық Қазына» әл-ауқат қорының баспасөз қызметі жариялады, деп хабарлайды “Адырна” ұлттық порталы.
“Серікқали Брекешев «ҚазМұнайГаз» ұлттық компаниясы» АҚ басқарма төрағасының орынбасары қызметіне тағайындалды. Ол газ жобаларының дамуына жетекшілік етеді”, - деп жазылған хабарламада.
Серікқали Брекешев 1972 жылы 14 қазанда дүниеге келген.
1995 жылы Шахмардан Есенов атындағы Ақтау политехникалық институты, «Мұнай және газ кен орындарын игеру және пайдалану» факультеті.
1995-1997 жылдары – «Қазақстан-Ресей сауда үйі» БК, бас директордың орынбасары, экономист.
1997 жылдары – Ақтау қаласындағы салық бөлімі, инспектор.
1997-1998 жылдары – «Маңғыстаумұнайгаз» АҚ «Мұнайгермес» материалдық-техникалық қамтамасыз ету және өнімді өткізу басқармасының филиалы, 8-разрядты инженер.
1998-2006 жылдары – «Қарақұдықмұнай» ЖАҚ, мұнай өндіру жөніндегі мастер, пайдалану жөніндегі инженер, кәсіпшілік менеджері.
2007-2014 жылдары – Энергетика және минералдық ресурстар, мұнай және газ министрліктерінде басшылық қызметтер атқарды.
2015-2020 жылдары – «ҚазТрансГаз» АҚ құрылымында ГТЖ басқару жөніндегі басқарушы директоры, техникалық саясат жөніндегі басқарушы директоры, өндірістік-техникалық департаментінің директоры, бас директордың техникалық саясат жөніндегі орынбасары.
2020 жылғы 5 наурыздан бастап Экология, геология және табиғи ресурстар вице-министрі.
2021 жылғы 10 қыркүйектен 2023 жылғы 4 қаңтарға дейін ҚР экология, геология және табиғи ресурстар министрі.
2023 жылғы 1 ақпаннан бастап «ҚазМұнайГаз» ҰК» АҚ басқарма төрағасының орынбасары.