Қазақстанда неге депутат болғысы келетіндер көп - Ерлан Қарин жауап берді

3872
Adyrna.kz Telegram

Мемлекеттік кеңесші Ерлан Қарин сайлауда өз таңдауын жасады, деп хабарлайды “Адырна” тілшісі.

Ерлан Қарин елордадағы №111 сайлау учаскесінде дауыс берді. Аталған сайлау учаскесінде 2744 дауыс беруші тіркелген.

Сондай-ақ, ол Қазақстанда неге депутат болғысы келетіндер көп деген сұраққа жауап берді.

Айтуынша, сайлауға қатысушылардың көп болуының себебі - Мемлекет басшысының реформалары қоғамда өз бағасын алған.

“Бұл, ең алдымен,  реформалардың қоғамда үн қосып, қолдау тапқанының дәлелі. Осындай көп адам бір мандатты округтер бойынша сайлауға түсіп, түрлі саяси партиялардың сайлауалды бағдарламаларына қатысып жатса, бұл Мемлекет басшысының реформаларының қоғамда үлкен қызығушылық пен қолдау тудырғанын көрсетеді. Реформалар біраз үміт береді. Бұл сайлау жоспарланған реформаларға тағы бір жаңа серпін береді деп ойлаймын», - деп түсіндірді Ерлан Қарин.

Пікірлер