Тілсіз жау Розыбакиев көшесі, 274 мекенжайындағы үш қабатты үйде жалындады, зардап шеккендер жоқ, деп жазады "Адырна" порталы.
Қалалық Төтенше жағдайлар департаменті өрт сөндіру көлігі жұмылдырылғанын хабарлады. Жойқын өртке байланысты газ-түтіннен қорғау қызметінің бөлімшелері жұмыс істеді. Өрттің шатыр бойына таралып кетпеуі бақыланды. Жағдайды бейнебақылау камералары арқылы назарға алынды.
Кейінірек қосымша бағытталған өрт сөндіру бөлімшелері гидранттарға автоцистерналар орнатты, магистральдық желілер тартылды, үздіксіз су беру қамтамасыз етілді.
Осылайша, сағат 08:38-де өрт локализацияланып, 08:47-де жойылды. Өрт аумағы 30 шаршы метрді құрады.
Құрбандар мен зардап шеккендер жоқ. Өрттің себебі: анықталуда
Өртті сөндіруге 41 адам, 15 техника жұмылдырылды.
"Адырна" ұлттық порталы
