Екібастұзда 30 жастағы әйел адам балабақша күзетшісін өлтірді деген күдікке ілінді, деп хабарлайды «Адырна» тілшісі.
Облыстық полиция департаменті оқиғаға қатысты түсініктеме берді.
«Аталған факті бойынша ҚР ҚК 99-бабына сәйкес сотқа дейінгі тергеу жүргізіліп жатыр. Күдікті қамауға алынды»,—деп түсіндірді басқарма.
Конституцияның 77-бабы 3-тармағының 1-тармақшасына, Қылмыстық іс жүргізу кодексінің 19-бабы 1-тармағына сәйкес айыпталушы оның кінәсі дәлелденіп, соттың үкімі заңды күшіне енгенге дейін кінәсіз болып саналады.
