UFC президенті Дана Уайт Шавкат Рахмоновтың келесі қарсыласын анықтады, деп хабарлайды “Адырна” ұлттық порталы.
16 қыркүйекте Шавкат америкалық Келвин Гастелуммен жекпе-жекке шығады.
Бұл Лас-Вегаста (АҚШ) өтетін UFC турнирінің бірлескен басты оқиғасы болады.
Осыған дейін Гастелум жартылай орта салмаққа оралатынын мәлімдеген еді, промоушн басшылығы оның шешімімен келіскен болатын.
2019 жылдың сәуір айында америкалық UFC орта салмақтағы уақытша титулы үшін Исраэль Адесаньямен жекпе-жек өткізді. Бірақ төрешілердің шешімімен Жаңа Зеландиялық жеңіске жеткен еді.
Айта кетсек, Рахмонов жартылай орта салмақтағы UFC рейтингінде алтыншы орында тұр.
