Ауылда өстік. Екі бала төбелесіп қалса, үлкендер: "Кім бастады?", - деп сұрайтын. Соны кінәлі деп табатын.
Сайлау көрігі қызғалы тұр. Оң жақ, сол жақтан шабуылдар басталып жатқан сияқты. Билік сынаса бір жөн, кешегі өзіңмен бір ұйымда жүрген ағайын әуелден-ақ бармағын бүгіп, тісін қайрап жүр екен ғой.
Естуімше, маған қарсы да қарапиар акциялары дайындалып жатқан сияқты. 1997 жылдан бері көрмегенім жоқ, ондай оңбағандықтарға да ет үйренген! Соларға айтарым: осы жылдар бойына Әділеттік пен Шындық, Демократия мен Ұлтшылдық идеяларына адалдығымды сөзбен де, іспен де дәлелдеп келемін! Ол жағынан менен кінә таба алмайсыңдар!
Сондықтан да төбелесті бірінші боп бастаған кез келген (құй, билік жағынан болсын, құй, өзін оппозиция санайтындар болсын!) адамға лайықты жауап беремін. Аямаймын! Менің де білетінім баршылық!
Әйтпесе, кейбір адам менің табиғи мәдениеттілігім мен сыпайылығымды, оппозиция қатарының бірлігін бірінші кезекке қойып, көп нәрсе туралы айтпай жүргенімді менің жуастығым мен әлсіздігім деп қабылдайтын сияқты...
