Қазақстандық боксшы 2024 жылы Парижде өтетін Олимпиадаға лицензия жеңіп алды, деп хабарлайды “Адырна”.
Қазақстан әйелдер құрамасынан боксшы Карина Ибрагимова орташа салмақта қарсыласын ұтып, Парижде өтетін жазғы Олимпиада ойындарына жолдама алды.
Бұл туралы Туризм және спорт министрлігі Telegram желісіндегі ресми арнасында хабарлады.
Деректерге сүйенсек, 57 келіде әлем чемпионатының 3 дүркін жүлдегері, 27 жастағы Карина Ибрагимова Азия ойындарының ширек финалында моңғолиялық боксшы Намуун Монхорды 5-0 есебімен жеңіп, бокстан жартылай финалға және Парижде өтетін жазғы Олимпиада ойындарына жолдама алды.
Отандасымыз биыл әлем чемпионатында күміс медаль еншілеген болатын.
