Петропавлда балабақша қызметкерінен туберкулез анықталды

1532
Adyrna.kz Telegram
Фото: gemotest.ru
Фото: gemotest.ru

Петропавлда балабақша қызметкерінен туберкулез анықталды. Бұл туралы  Informburo.kz мәлімдеді, деп хабарлайды “Адырна” ұлттық порталы.

Аталған жайт жыл сайынғы медициналық тексеріс кезінде белгілі болған.

Инфекциялық ауру жұқтырған қызметкер уақытша еңбек қабілеттілігінен айырылғандықтан демалысқа жіберілді.

"Балдәурен" балабақшасының ғимаратында дезинфекция жүргізілді.

Дезинфекция процесі екі кезеңде жүргізілді. Мамандар алдымен балалардың тынығатын уақытында бассейнді және ойнау бөлмелерін, сондай-ақ ғимарат дәлізін дезинфекциялады. Кейіннен сағат 19.00-ден кейін ғимараттың қалған бөлігін залалсыздандырды, - делінген қалалық білім беру басқармасының хабарламасында.

Сондай-ақ,  9 қазанда балабақшаның барлық қызметкері  медициналық тексерістен өтеді. Ал жұқпалы дертке шалдыққан қызметкермен байланыста болған балаларға Манту сынамасы жасалады. Білім беру басқармасы жедел топ құрды. Олар істі тергеумен айналысады.

 

Пікірлер