ҚР Сыртқы істер министрлігі Израильде қаза тапқандардың арасында Қазақстан азаматтары жоқ екенін мәлімдеді, деп хабарлайды "Адырна" тілшісі.
Израиль қорғаныс күштері 7 қазанда ХАМАС шабуылынан кейін қайтыс болған не хабар-ошарсыз кеткен азаматтары бар елдердің тізімін жариялады. Кестеде Қазақстаннан бір азамат бар екені көрсетілген.
Алайда ҚР Сыртқы істер министрлігі кестеде қателік кеткенін айтады.
"Бұл шындыққа жанаспайды, Израиль билігі осы кестеде жіберілген қателік үшін кешірім сұрады", — деді ҚР СІМ өкілі Айбек Смадияров.
