Президент Қасым-Жомарт Тоқаев орыс тілін қолдау жөніндегі халықаралық ұйым жобасын мақұлдады, деп хабарлайды «Адырна» ұлттық порталы ҚазТАГ-қа сілтеме жасап.
«Орыс тілін қолдау жөніндегі халықаралық ұйым жобасы мақұлдансын»,- делінген Тоқаевтың жарлығында.
Қазақстанның нормативтік актілер сайтында жарияланған құжатта «келісім мемлекетаралық қатынас тілі және қарым-қатынас құралы ретінде орыс тілін сақтау және дамыту мәселелері бойынша жан-жақты өзара тиімді ынтымақтастықты нығайту үшін жағдай жасауға негізделгені» жазылған.
Құжатта орыс тілі БҰҰ, ТМД, Ұжымдық қауіпсіздік шарты ұйымы, Еуразия экономика одағы мен Шанхай ынтымақтастық ұйымының ресми әрі/немесе жұмыс тілі екені атап көрсетілген.
«Ұйымның мақсаты: келісімге қол қойған тараптар арасында достық, тату көршілік, өзара түсіністік және өзара тиімді ынтымақтастықты дамыту және нығайту; мемлекетаралық қатынас тілі және қарым-қатынас құралы ретінде орыс тілін сақтау және дамыту мәселелері бойынша қатысушы мемлекеттердің жан-жақты өзара тиімді ынтымақтастығын нығайту» деп жазылған ұйым жарғысында.
Ұйымның міндеттерінің бірі ретінде «орыс тілінде білім беру сапасын қолдау, «орыс тілі және әдебиет» және «орыс тілі шет тілі ретінде» бағыттары бойынша педагогика және ғылыми кадрларды дайындауға атсалысу, сонымен бірге «Орыс тілі» және «Орыс әдебиеті» пәндерінің оқулықтары мен оқу нұсқаулықтарына сараптама жүргізу бойынша тәжірибе алмасу; мемлекетаралық қатынас құралы ретінде орыс тілін қолдау және танымал етуді көздейтін шығармашылық жобаларға грант байқауларын бекіту» деп жазылған.
Ұйымның міндеттері:
- Орыс тілінде сапалы білім беруді қолдау, «орыс тілі мен әдебиеті» және «орыс тілі шет тілі ретінде» бағыттары бойынша педагогикалық және ғылыми кадрларды даярлауға және орыс тілін оқыту саласындағы мамандардың кадрлық резервін қалыптастыруға жәрдемдесу;
- Орыс тілі саласындағы білім беру процесінің, ғылыми зерттеулер мен технологиялық әзірлемелердің материалдық-техникалық базасын нығайтуға жәрдемдесу;
- Классикалық және қазіргі заманғы авторларының әдеби шығармаларын орыс тіліне және орыс тілінен басқа тілге аударуды ұйымдастыруға жәрдемдесу;
- Орыс тілін оқыту мен оқытудың перспективалары мен бағыттарын талқылау бойынша халықаралық ғылыми конференциялар өткізу;
- Халықаралық кітап көрмелерін, орыс тілі бойынша халықаралық диктанттарды, шешендік өнер конкурсын өткізу;
- «Орыс тілі» және «орыс әдебиеті» оқу пәндері бойынша оқулықтар мен оқу құралдарына сараптама жүргізу бойынша тәжірибе алмасуды ұйымдастыру;
- Ұлтаралық қарым-қатынас тілі және коммуникация құралы ретінде орыс тілін қолдау және насихаттау мақсатында шығармашылық жобаларды іске асыруға гранттар алуға конкурстар құру.
Аталған құжатқа қол қоюы тиіс елдер ретінде Қазақстан, Ресей, Әзербайжан, Армения, Беларусь, Қырғызстан, Молдова, Тәжікстан, Өзбекстан мен Украина жазылған.
«Адырна» ұлттық порталы
