Желіде балалар арасында қауіпті ойындардың тарап жатқаны туралы ақпарат тарады, деп хабарлайды "Адырна" тілшісі Sputnik Қазақстанға сілтеме жасап.
Желіде тараған видеода автор балалардың қауіпті ойын ойнап жүргенін айтады.
Бейнебақылауда бір бала жолдан өтіп жатқаны анық көрінген. Ал баланың досы оның арғы жағында күтіп алады.
"Қайырлы күн, Гемма дүкені, бүгін сағат 13:30-да біреудің балалары ойнап жүрді. "Жүгір немесе өл" деген ойын туралы барлығы естіген шығар. Капюшоны бар күртке киген осы бала қара көліктің дәл алдынан жүгіріп шыққан. Көлік жүргізуші тежегішті басып үлгерді. Ал баланың достары артынан бірге күліп тұрған. Ата-аналары өз балаларын танитын шығар. Ондайды жасамау үшін шара қолдану керек", - дейді видео авторы.
Әзірге бұл ойын туралы өзге ақпарат тараған жоқ.
