Шахтадағы апаттан зардап шеккен 28 адам Қарағанды, Абай, Шахтинск қалаларындағы аурухананың жедел жәрдем бөліміне жеткізіліп, көмек көрсетілуде, деп хабарлайды "Адырна" тілшісі.
Қазір 24 кенші ауруханаға жатқызылған.
Жеңіл және орташа улы газбен уланған науқастар Мақажанов атындағы көпсалалы аурухананың токсикология бөлімінде жатыр. Бұл бөлімде 20 кенші ем алуда.
Ал бір науқас қабырғасы сынып, жансақтау бөлімінде жатыр. Дәрігерлердің айтуынша оның жағдайы тұрақты және есін біледі. Ал тағы бір зардап шегуші травматология бөлімінде.
Улы газбен уланған екі адам Шахтинск қаласының орталық ауруханасының терапия бөліміне жеткізілген.
