Алматы қаласы өңдеу өнеркәсібі бойынша ел аумағында көш басында тұр. Шаһарда Автомобильдер өндірісі, тамақ және фармацевтика өнеркәсібін ұлғайту ісінде оң динамика байқалады.
Бүгінде оңтүстік астанада өңдеу өнер кәсібі 21 пайызға өскен. Бұл туралы қалалық экономика басқармасы хабарлады.
Сауда саласы 14,5% – ға, оның ішінде бөлшек сауда саласы – 6,5% - ға, көтерме сауда саласы-17,4% - ға өсті. Байланыс қызметтері 3,3% – ға, көлік және қоймалау 9,5% - ға ұлғайды.
Негізгі капиталға салынған инвестициялар 1 трлн теңгеден асты. Жеке инвестициялар 7,3% - ға дейін артты.
2023 жылдың 9 айының қорытындысы бойынша Алматының қысқа мерзімді экономикалық индикаторы 13,5% - ға өсті.
