Қырғызстан республика аумағына кіретін еңбек мигранттарының санын шектеді, деп хабарлайды "Адырна" тілшісі Economist басылымына сілтеме жасап.
Қырғызстан министрлер кабинетінің өкімімен еңбек қызметін жүзеге асыру мақсатында Қырғызстанға келетін шетелдіктер мен азаматтығы жоқ адамдардың шекті санын белгілейтін квота нақтыланды.
Ресми құжатқа сәйкес, республиканың астанасы Бішкек бойынша квота 12 мың 850 адамды, Ош қаласы бойынша – 845 адамды, республика бойынша жалпы 25 мың адамды құрайды.
Министрлер кабинетінің басқа өкімдерінде шетелдіктер мен азаматтығы жоқ адамдардың Қырғызстанға көшуіне шекті санын белгілейтін 2024 жылға арналған иммиграциялық квота да айқындалды.
Квотаға сәйкес, Бішкек қаласында 100 адамды, Ош қаласы бойынша-30 адамды, республика бойынша барлығы 400 адам мемлекетке көшіп келе алады.
