Жетісу облысында 14 жасар қызының жоғалып кетуіне анасы мен өгей әкесі күдікті деп танылды, деп хабарлайды "Адырна" ұлттық порталы Полиция департаментінің баспасөз қызметіне сілтеме жасап.
«14 жасар қыздың жоғалып кетуіне күдікті ретінде оның анасы мен өгей әкесі ұсталып, уақытша ұстау изоляторына қамалды», - деді Жетісу облыстық ІІД бастығының орынбасары Руслан Чарапиев.
Полиция күдіктілердің заңсыз тергеу әдістері туралы уәждері расталмағанын және оларға адвокаттардың келуіне жағдай жасалғанын сендіреді.
Мәліметтерге сүйенсек, қыз қарашаның басында жоғалып кеткен. Оның анасы полицияға 28 желтоқсанда ғана арыз берген.
"Адырна" ұлттық порталы
