Семейлік полицейлер жасөспірімді өлімнен арашалап қалды, деп хабарлайды "Адырна" тілшісі.
112 нөміріне 17 жастағы жасөспірімнен қоңырау түскен. Ол өзіне қол жұмсағысы келетінін айтып, көпірден секірмек болған.
Баланың өмірін полицейлер арашалап қалды. Қоңырау түскен бойда 3 минутта оқиға орнына жеткен құзырлы орган балаға көмек көрсетіп үлгерген.
Құтқару қызметінің операторы баламен келіссөздер жүргізіп жатқанда, аталған жерге патрульдік полиция батальонының экипаж қызметкерлері Дамир Ахметқалиев пен Райымбек Есенғалиев келді. Полицейлер оқиға орнына 3 минут ішінде жетті, - деп хабарлады ведомство.
Өзіне қол жұмсамақ болған баламен психологтар жұмыс істеп жатыр.
