Семей қаласының өрт сөндірушісі тұрғынды жанып жатқан пәтерден құтқарып қалды, деп хабарлайды "Адырна" тілшісі ТЖМ-ға сілтеп.
Безымянная көшесіндегі 10 қабатты тұрғын үйдің 8-қабатындағы пәтерде өрт шықты.
Семей қаласының №5 өрт сөндіру бөлімінің қарауыл бастығы азаматтық қорғау лейтенанты Әлібек Тұрсынбеков жанып жатқан пәтерден 1969 жылы туған әйелді алып шыққан.
Қазір тұрғын ақ халаттылардың бақылауында.
Өрт сағат 18.36-да толығымен сөндірілді. Қайтыс болғандар туралы ақпарат тіркелмеген.