Бердібек Сапарбаев ақпан айынан бастап Еңбек және халықты әлеуметтік қорғау министрі қызметін атқарған болатын
Бердібек Сапарбаев премьер-министрдің орынбасары қызметіне тағайындалды, деп хабарлайды Ақорда.
"Бердібек Машбекұлы Сапарбаев Қазақстан Республикасы премьер-министрінің орынбасары болып тағайындалсын, ол Еңбек және халықты әлеуметтік қорғау министрі қызметінен босатылсын", - деп жазылған Тоқаевтың жарлығында.
Бұған дейін вице-премьер қызметін Гүлшара Әбдіқалықова атқарған болатын. Ол депутат мандатын алды.
Премьер-министрдің бірінші орынбасары - қаржы министрі Әлихан Смайылов. Үкімет басшысының тағы бір орынбасары - Жеңіс Қасымбек.
Бердібек Сапарбаев туралы не білеміз?
Бердібек Сапарбаев Еңбек және халықты әлеуметтік қорғау министрі қызметін атқарды. Бұған дейін Ақтөбе облысының әкімі болды.
Түрлі жылдары министрлер кабинеті аппаратының жетекшісі, Қызылорда, Оңтүстік Қазақстан облыстарының әкімі, кедендік бақылау агенттігінің төрағасы, қаржы министрінің орынбасары қызметін атқарды.
2009 жылдың 4 наурызынан бастап 2014 жылдың 11 қарашасы аралығында Шығыс Қазақстан облысының әкімі болды. 2014 жылдың қараша айынан бастап премьер-министрдің орынбасары болды.
"Адырна" ұлттық порталы
