Қазақстанның танымал әншісі әрі қоғам қайраткері Нұрлан Өнербаев қазақ тілінің мәртебесін көтеру мақсатында өз ұсынысын білдірді, деп хабарлайды “Адырна” ұлттық порталы.
Бұл туралы әнші желідегі парақшасында жазды.
Ол қазақ тілінде сөйлемейтін азаматтарға 39 320 теңге мөлшерінде айыппұл салу қажет екенін айтты.
«Күнде бір айыппұл түрін шығарасыңдар! Халық, өзіміз ұсынайық. Қазақ тілінде сөйлемейтіндерге 39 320 теңге айыппұл салынсын», – деп жазды ол.
Бұл бастама әлеуметтік желілерде түрлі пікірлерге себеп болды. Бірі қазақ тілін қолдау үшін мұндай шара қажет деп есептесе, енді бірі айыппұл салу әдісі дұрыс емес деген ойда.
