Алматы облысында терезе жуып жатқан әйел 10-қабаттан құлап кетіп, қаза тапты, деп хабарлайды "Адырна" ұлттық порталы.
Оқиға 15 наурыз күні Бесағаш ауылында болған.
Алдын ала деректерге сүйенсек, 41 жастағы әйел терезе жуып жатқан кезде абайсызда 10-қабаттан құлап кеткен.
Ауыр жарақат алған әйел оқиға орнында көз жұмған.
Қазіргі уақытта оқиғаның барлық мән-жайы анықталуда.
