جەتىسۋ وبلىسىندا «تازا قازاقستان» باعدارلاماسى اياسىندا اۋماقتاردى تازالاۋ مەن اعاش ەگۋ شارالارى جالعاسۋدا. ماسەلەن، بۇگىنگى ەكولوگيالىق شاراعا حالىق بەلسەنە اتسالىسىپ، 5 مىڭعا جۋىق ادام قاتىستى. اتاپ ايتقاندا، جەتىسۋدىڭ جەتى وزەنىنىڭ جاعاسىن تازالاعان «7 ÖZEN» اتتى كەڭ اۋقىمدى ەكولوگيالىق فەستيۆالى ءوتتى. سول سياقتى تالدىقورعان قالاسىندا «EcoKeruen» اكتسياسى ۇيىمداستىرىلىپ، قالانىڭ باستى كوشەلەرى تۇرمىستىق قاتتى قالدىقتاردى ىرىكتەۋ ءتاسىلى ارقىلى قوقىستان تازارتىلدى.
«7 ÖZEN» اتتى كەڭ اۋقىمدى ەكولوگيالىق فەستيۆالى ءوڭىردىڭ 8 اۋدان-قالاسىنان اعاتىن قاراتال، كوكسۋ، اقسۋ، شاجا، سارقان، لەپسى جانە بۇيەن وزەندەرىنىڭ جاعالاۋىن تازارتۋ ماقساتىندا وتكىزىلدى. وعان جەرگىلىكتى جاستار، ەرىكتىلەر جانە تۇرعىندار بەلسەندى تۇردە قاتىستى. شارا اياسىندا وزەن جاعالاۋلارىن قوقىستان تازارتۋ، ەكولوگيالىق ويىندار مەن شەبەرلىك ساباقتارى، سونداي-اق تابيعاتتى قورعاۋعا باعىتتالعان اقپاراتتىق دارىستەر وتكىزىلدى. فەستيۆالگە 600-گە جۋىق جاس قاتىسىپ، 20 تەحنيكا جۇمىلدىرىلدى. ناتيجەسىندە 10 تونناعا جۋىق قوقىس جينالدى. بۇل باستاما جاستاردىڭ ەكولوگيالىق سانا-سەزىمىن ارتتىرىپ، تابيعاتقا دەگەن جاناشىر كوزقاراس قالىپتاستىرۋعا ۇلكەن سەرپىن بەردى.
«7 ÖZEN» فەستيۆالىنە قاتىسۋشىلارىنىڭ ايتۋىنشا، جاعالاۋلاردى تازارتۋ ەكوجۇيەنى ساقتاۋعا، اۋىز سۋ كوزدەرىنىڭ لاستانۋىن بولدىرماۋعا جانە حالىق اراسىندا ەكولوگيالىق جاۋاپكەرشىلىكتى قالىپتاستىرۋعا ىقپال ەتەدى.
وسى كۇنى جەتىسۋ جاستارىنىڭ، ەكوبەلسەندىلەردىڭ ۇيىمداستىرۋىمەن «EcoKeruen» اكتسياسى ءوتتى. اكتسياسىنىڭ ماقساتى - قوعامدا ەكولوگيالىق مادەنيەتتى قالىپتاستىرۋ، قالدىقتاردى سۇرىپتاۋدىڭ ماڭىزدىلىعىن ءتۇسىندىرۋ جانە قورشاعان ورتاعا دەگەن جاۋاپكەرشىلىكتى ارتتىرۋ.
«Jetisy jastary» كمم مامانى سەيىتقالي ميراس: «تازالىق شارالارىن ۇيرەنشىكتى سەنبىلىك سياقتى ەمەس، جاڭا فورماتتا وتكىزۋ جاستاردىڭ قىزىعۋشىلىعىن ارتتىرىپ، ولاردى تابيعاتتى قورعاۋعا جۇمىلا كىرىسۋگە ۇندەيتىنى انىق. بۇگىنگى «EcoKeruen» اكتسياسىنا 80 ەرىكتى جاس قاتىسىپ، قالانىڭ باستى كوشەلەرىمەن ارنايى بەزەندىرىلگەن ەكو-كەرۋەن تراكتور جانە شاعىن ۆاگوندار ءجۇرىپ ءوتتى. شاراعا قاتىسۋشالار كەرۋەننىڭ سوڭىنان ءجۇرىپ، ماڭايداعى قالدىقتاردى جينادى. وسى ارقىلى جاڭا بۋىن وكىلدەرى اراسىندا ەكولوگيالىق مادەنيەتتى قالىپتاستىرا الاتىنىمىزعا سەنىمدىمىن»، - دەيدى.
سونىمەن قاتار وبلىس بويىنشا «جۇگىر دە تازالا – ەكوپلوگگينگ» جانە «جاسىل بەلدەۋ» اكتسيالارى ءوتتى. «جۇگىر دە تازالا – ەكوپلوگگينگ» اكتسياسى اياسىندا وبلىس سپورتشىلارى، ەرىكتى جاستار كوماندالارعا ءبولىنىپ، بەلىگىلەنگەن لوكاتسيالاردى قوقىستان تازالاۋمەن قاتار، شاپشاڭدىق پەن ۇتقىرلىعىن شىڭدادى. اكتسياعا 1 665 ادام قاتىسىپ، 20 تەحنيكا جۇمىلدىرىلدى. ناتيجەسىندە 314 توننا قوقىس شىعارىلدى.
ال «جاسىل بەلدەۋ» اكتسياسىنا اۋدان-قالا تۇرعىندارى، دەپۋتاتتار، قوعام بەلسەندىلەرى، ەرىكتى جاستار - بارلىعى 2 320 ادام اتسالىسىپ، 17 تەحنيكا جۇمىلدىرىلدى. وبلىس اۋماعىنداعى ساياباقتارعا، سۆەرلەر مەن اللەيالارعا 3 500 ءتۇپ اعاش، 67 350 گۇل وتىرعىزىلدى.
